Que vas facer este sábado 3 de decembro? Vas quedar na casa? Anímate e arrímate ao Auditorio Municipal de Rois, ás 20.00h para ver Hoxe non se paga! Non nos fagades mandarvos a estes dous gardas civís! Prometemos facervos desfrutar durante 90 minutos.
Este sábado 26 de novembro visitamos o concello veciño de Padrón para representar Hoxe non se paga!. Será no Auditorio Municipal ás 19h. Teremos garda civís, policíias e mesmo unha vendedora de xamóns!
Este sábado 19 de novembro ás 20.30h temos a honra de participar un ano máis na Mostra de Teatro Afeccionado de Aguiño (Ribeira), organizado pola Asociación Francisco Lorenzo Mariño que tan ben nos tratan sempre. Agardámosvos!
Esta fin de semana estaremos en 2 sitios. O venres 11 continuamos polo Barbanza, concretamente en Boiro, onde actuaremos ás 21.00h na Cachada. Sábado 12 cambiamos de aires e imonos ao Concello de Brión, terras que fai moitos anos que non visitamos e que esperamos que teñan gañas de pasalo ben. Será ás 20.30h no Centro Polivalente.
Comezamos a xira por fóra de Rianxo da nosa nova produción “Hoxe non se paga”, e empezamos por Palmeira, sitio onde sempre contan con nós e nos reciben con gañas de pasalo ben. Vémonos este sábado 5 de novembro ás 20h na sede da Sociedad Hijos de Palmeira.