Este sábado 17 de febreiro xogamos na casa, na nosa parroquia, en Asados. Será ás 20.00h nas Escolas Vellas da Atalia. Agardamos por vós veciños 🙂
Romeo e Xulieta en Asados
Deixa unha resposta
Arquivos da etiqueta: asados
Obradoiro de Iniciación ao Teatro
Obradoiro de Iniciación ao Teatro centrado no xogo dramático, a expresividade e a creación colectiva. Durante catro xornadas traballaremos cun aluvión de ferramentas corporais e vocais a través das cales, ademais de introducirnos no mundo do teatro, iremos esquecendo as vergonzas para deixarnos levar pola improvisación, a creación de escenas, o deseño de personaxes… Indicado para persoas que nunca fixeron teatro e queren probar pero tamén para quen xa fixo algunha vez teatro amador pero lle gustaría ampliar as súas ferramentas. 100% lúdico. Sen contraindicacións.
Días: 24, 31 outubro. 7 e 14 de novembro. De 20 a 22h.
Lugar: Centro Cultural Simón Varela (Asados)
Prezo: 30€
Organiza: Teatro Airiños
Imparte: Esther F. Carrodeguas. Licenciada en Dirección de Escena e Dramaturxia pola ESAD de Galicia e directora de Teatro Airiños dende 2011.
Domingo 21 en Asados!
Este domingo 21 de maio ás 19.30h xogamos na casa, nas Escolas Vellas de Asados, onde representaremos Hoxe non se paga!
Ademais ás 23.30 saímos no programa “Grandes Lugares” da TVG tras o seu paso pola nosa parroquía, Asados!
Agardámosvos.
Presentación do libro Voaxa e Carmín, de Esther F. Carrodeguas
Presentación sábado 28 de maio ás 20.30h do libro Voaxa e Carmín da nosa directora Esther F. Carrodeguas nas Escolas Vellas de Asados.
Na presentación intervirá Xesus Santos, e Mercedes Pimentel e Raquel Lodeiros realizarán unha pequena lectura dramatizada, os tres actores de Airiños.
Zona da Zanfona, X Encontro Internacional
Airiños colabora co 10 Encontro Internacional Zona da Zanfona da Central Folque que se celebra en Rianxo, máis concretamente o sábado onde a programación se celebra no Centro Cultural Simón Varela. Aquí vos deixamos a programación para o sábado 5:
21h XANTAR POPULAR
A Asociación Antrospinos, responsável deste entrañável festival de verán, parceiros nesta ZdZ’14, organizan este xantar aberto para calquera persoa que se queira achegar a compartir a mesa previa ao Baile Assalto. Haberá polvo, churrasco e parrillada vexetal
22.30h TEATRO DE AIRIÑOS “Cantar de cego”
Este Baile Assalto especial Zona da Zanfona ten ademais o valor engadido de que se abrirá cunha representación dun sainete cómico a cargo do Cadro Artístico Airiños de Asados, o mais antigo grupo teatral do país, q cacaba de cumplir 80 anos. Será un número cómico breve dunha adaptació n dun diálogo entre un cego e unha lazarilla, típico do teatro popular galego dos anos 20 na Galiza.
23h BAILE CON MÚSICA AO VIVO
Coordinado por Óscar Fernández, mestre de zanfaona da Escola Livre da MPG e membro de Os Cempés. O baile estará amenizado coa música dos cursillistas da ZdZ e outros músicos convidados. O palco está aberto para calquera músico que queira tocar para o baile con calquera instrumento. Anotádevos na axenda ou falade coa organización para apuntarvos na lista!
24h SORTEO 1 zanfona de 10!
Ao redor da media noite vaise realizar o sorteo da lotaría ZdZ 1 zanfona de 10! duninsturmento de estudo feito especialmente polo obraoidor de Rebollo Instruments para o Encontro e que se xoga nunha lotaría de 300 números.