Arquivos da etiqueta: escola de teatro

Os Fantásticos estrean “Evolución”

Deixa unha resposta

Un xuño máis Os Fantásticos, da Escola de Teatro Airiños, presentan a obra na que estiveron traballando ó longo de todo o ano, “Evolución”, escrita a dirixida por Raquel Ramos. Os Fantásticos confórmano 17 grandes actrices e actores: Breo, Irene G., Irene O., Iria, Laura, Lois, Lucía, Mateo, Marta, Noela, Rodrigo, Sara G., Sara R., Silvia, Uxía R., Uxía G. e Zaire.

Ficades todos convidados o sábado 9 de xuño ás 20.30h no Auditorio de Rianxo! Entrada de balde (non é preciso recollelas con antelación, éntrase sen entrada).

Premios Buero de Teatro Joven 2018

Deixa unha resposta

Os Kabramakabra están de noraboa, a súa obra Mass Co-medias, escrita e dirixida por Raquel Ramos, ven de gañar a Mención do Xurado por Texto Orixinal nos Premios Buero de Teatro Joven organizados pola Fundación Coca-Cola. Premios que van pola súa 15º edición e que este ano baten record de participación, 33 grupos inscritos que fan un total de 660 mozos. Os premios foron entregados nunha gala celebrada o pasado 22 de maio no Centro Ágora de A Coruña onde, como é lóxico, non faltaron as representacións teatrais.

Esta mención súmase aos dous premios recollidos no I Certame de Teatro Afeccionado Concello de Lourenzá o pásado decembro por esta mesma obra.

Foto: El Correo Gallego

Os Fantásticos protagonistas do novo videoclip de Triángulo de Amor Bizarro

Deixa unha resposta

Os nenos e nenas d’Os Fantásticos, da nosa Escola de Teatro, protagonizan o novo videoclup do grupo barbanzán Triángulo de Amor Bizarro. O grupe indie-rock de sona mundial gravou este videoclip do seu tema “Les Llevaré Mi Cruz” hai uns meses en diferentes lugares da comarca, recoñecemos, por exemplo, as Torres Vikingas de Catoira. Pesa a climatoloxía e as numerosas horas de gravación todos os nenos e nenas disfrutaron moito desta experiencia.

Podedes ver o videoclip recen estreado na web da Cadena Ser ou en Youtube.

Os Kabramakabra optan a 3 premios en Lourenzá

Deixa unha resposta

O xurado do I Certame de Teatro Afeccionado de Lourenzá deu a coñecer os nomeados e nomeadas de cada unha das categorías do evento. Os Kabramakabra da Escola de Teatro Airiños foron nomeados en 3 destas categorías: Mass co-Medias en mellor posta en escena, Carmela Bravo como mellor actriz de reparto, e Marco Bravo como mellor actor de reparto.

Os gañadores daranse a coñecer nunha gala este domingo 3 ás 19h coa que se clausurará o certame e que pechará Candido Pazó coa representación da obra Que comerá o rei?. Agardamos que haxa sorte e os nosos rapaces poidan traer algún premio de terras lucenses.