Arquivos do autor: Airiños

Unha morte lanzal. A traxedia do bou Eva

O vindeiro venres 28 de outubro, ás 20.00 horas, terá lugar no Salón de Actos do Auditorio de Rianxo a presentación da obra escrita de Julian Rodríguez Novo, Unha morte lanzal. A traxedia do bou Eva, editada por Discursiva.

No acto estarán presentes D. Xesús Alonso Montero (presidente da Real Academia Galega), Esther Carrodeguas (membro de Barbantia), Enrique Sánchez Sotelo (Editorial Discursiva), Adolfo Muíños (alcalde de Rianxo) e o propio autor da publicación.

A apertura musical do acto correrá a cargo de Antón Alcalde da Escola de Música de Rianxo e o peche do mesmo será a conta nosa, Teatro Airiños, cunha breve lectura dramatizada da obra.

Na traxedia do Bou Eva, os irmáns Insúa, curmáns de Castelao e fundadores deste grupo de teatro, suicidaronse defendendo os seus ideais, a república e un mellor porvir para Galicia.

Lectura dramatizada en homenaxe a Valle Inclán

Deixa unha resposta

É unha honra para nós anunciarvos que o 22 de outubro ás 20.30h estaremos no Museo Valle Inclán (A Pobra do Caramiñal) realizando unha lectura dramatizada con galo das Xornadas de Homenaxe a Ramón del Valle Inclán.

Dramatizaremos o discurso de Castelao “Galicia e Valle-Inclán” e 4 contos galegos curtos do homenaxeado: Malpocado, O cabecilla, O meu bisavó e Os ollos que viron.

Non faltedes!

Premio do Público na I Mostra Alter Ego

Deixa unha resposta

GRAZAS!
Non hai mellor palabra para expresar o que sentimos. Grazas a tod@s os que nos foron ver, e grazas por outorgarnos o premio do público. Grazas tamén á Agrupación Teatral Criaturas por atreverse a organizar esta Mostra de Teatro Afeccionado Alter Ego. E os nosos parabéns polo traballo realizado, porque sabemos o esforzo que isto supón. Grazas, grazas!

I Mostra de Teatro Alter Ego

Deixa unha resposta

A Agrupación Teatral Criaturas coa colaboración do Concello de Rianxo organiza a I Mostra de Teatro Afeccionado “Alter Ego” na que actuaremos o sábado 8 de outubro ás 20.30h. Volveremos representar na casa a recen estreada “Hoxe non se paga! (e mañá xa veremos”.

As entradas de cada función da mostra teñen un custe de 2€ (agás Animaliños que é de balde) e pódese adquirir un bono que inclue as 4 funcións por 6€.

Venda anticipada en: Nino Pieri, Cafetería Saraiba e Floristería A Rosa tamén estarán dispoñibles unha hora antes de cada función na billeteira do auditorio.

Estrea de Hoxe non se paga!

Deixa unha resposta

Este xoves 22 e venres 23 de setembro ás 21.00h estreamos no Auditorio de Rianxo a nosa nova produción Hoxe non se paga! (e mañá xa veremos). Tendes máis información sobre a obra e o elenco aquí.

As entradas teñen un custe de 2€ e poden mercarse anticipadamente nos seguintes establecementos:

Bar Berberecho (Rianxo)
Perruquería Pelos (Asados)
Estanco Xacobiño (Asados)
Auditorio de Rianxo (unha hora antes do inicio das representacións)