O domingo 30 de xuño as 21.30h os máis pequenos do Grupo de Teatro Airiños participan na Mostra de Teatro Amador organizada pola Área de Educación, Cultura e Normalización Lingüística do Concello de Rianxo. Os nosos rapaces representarán Que vida é esta e 10 negriños.

Lembrámosvos tamén que podedes visitar a exposición Cadro Artístico Airiños 1933-2013 80 aniversario no Auditorio de Rianxo dende o 8 de xuño ao 6 de xullo.

Deixámosvos a programación completa(todas as representacións comezarán as 21.30 horas):
Seguir lendo →

Convidámosvos o próximo 8 de xuño, ás 21 horas, a inauguración da exposición Cadro Artístico Airiños 1933-2013 80 aniversario que terá lugar no Auditorio de Rianxo. Nesta exposición facemos unha breve viaxe a través das diferentes pezas representadas, de vestiario empregado, textos e recordos do longuísimo percorrído historico do grupo de teatro.

A exposición poderá visitarse dende o 8 de xuño ao 6 de xullo.

A Fundación Pedrón de Ouro ven de condecer o Pedrón de Ouro 2013 ao Grupo de Teatro Airiños, como un caso singular de afección teatral na que teñen participado boa parte dos veciños durante catro xeracións coa idea de divertir e achegar a cultura ao pobo.

Moitas grazas por este recoñecemento no noso oitenta aniversario o cal recibimos con moito cariño e ilusión.

A Asociación de actores e actrices de Galicia convidou a Airiños a entregar un dos premio María Casares, nos que se que recoñece aos traballadores da profesión teatral galega. Algúns membros de Airiños asistiron á Gala, celebrada no Teatro Rosalía de Castro de A Coruña, entre eles Xesús Santos que foi o encargado da entrega da xerra coa que se galardona aos premiados.

Grazas a asociación por contar con nós.