Este domingo 25 de xuño Os Fantásticos da Escola de Teatro Airiños representarán Iris, aventura espacial. Non o perdades, ás 20:00h no Auditorio de Rianxo!
Iris, aventura espacial
Deixa unha resposta
Arquivos da etiqueta: rianxo
HOMENS MULHERES Venha o diabo e escolha (Portugal)
Rematadas as filloas e orellas, gardados os disfraces e xa queimado o finado do Toribiño, temos o pracer de anunciar que froito dun intercambio teatral este sábado 11 de marzo ás 21h teremos no Auditorio de Rianxo ao GEDE (Grupo de Expressão Dramática de Escapães) de Santa Maria da Feira, Portugal. Representarán “HOMENS MULHERES Venha o diabo e escolha” unha comedia divertida que xira en torno a loita entre sexos.
A entrada é de balde e pódense retirar 1 hora antes na billeteira do propio auditorio. QUEDADES TODOS CONVIDADOS!
Unha morte lanzal. A traxedia do bou Eva
O vindeiro venres 28 de outubro, ás 20.00 horas, terá lugar no Salón de Actos do Auditorio de Rianxo a presentación da obra escrita de Julian Rodríguez Novo, Unha morte lanzal. A traxedia do bou Eva, editada por Discursiva.
No acto estarán presentes D. Xesús Alonso Montero (presidente da Real Academia Galega), Esther Carrodeguas (membro de Barbantia), Enrique Sánchez Sotelo (Editorial Discursiva), Adolfo Muíños (alcalde de Rianxo) e o propio autor da publicación.
A apertura musical do acto correrá a cargo de Antón Alcalde da Escola de Música de Rianxo e o peche do mesmo será a conta nosa, Teatro Airiños, cunha breve lectura dramatizada da obra.
Na traxedia do Bou Eva, os irmáns Insúa, curmáns de Castelao e fundadores deste grupo de teatro, suicidaronse defendendo os seus ideais, a república e un mellor porvir para Galicia.
Premio do Público na I Mostra Alter Ego
GRAZAS!
Non hai mellor palabra para expresar o que sentimos. Grazas a tod@s os que nos foron ver, e grazas por outorgarnos o premio do público. Grazas tamén á Agrupación Teatral Criaturas por atreverse a organizar esta Mostra de Teatro Afeccionado Alter Ego. E os nosos parabéns polo traballo realizado, porque sabemos o esforzo que isto supón. Grazas, grazas!
I Mostra de Teatro Alter Ego
A Agrupación Teatral Criaturas coa colaboración do Concello de Rianxo organiza a I Mostra de Teatro Afeccionado “Alter Ego” na que actuaremos o sábado 8 de outubro ás 20.30h. Volveremos representar na casa a recen estreada “Hoxe non se paga! (e mañá xa veremos”.
As entradas de cada función da mostra teñen un custe de 2€ (agás Animaliños que é de balde) e pódese adquirir un bono que inclue as 4 funcións por 6€.
Venda anticipada en: Nino Pieri, Cafetería Saraiba e Floristería A Rosa tamén estarán dispoñibles unha hora antes de cada función na billeteira do auditorio.